Të premten organizohet aktiviteti “ 8 dhjetor, Takimi i parë me lirinë”, duke bërë bashkë tre breza të ndryshëm në ditën e rinisë.
Gjatë këtij eventi do të shfaqen dy dokumentarë “8 Dhjetor 1990-27 vite pas” & “8 Dhjetor ’90, Triumfi i Rinisë”, si edhe do të ketë një diskutim të hapur mbi të rinjtë që kanë sjellë ndryshimin në vitet ’90 me të rinjtë e ditëve të sotme. Gjithashtu do të flitet rreth sfidave që rinia has ndër breza.
Agjenda e aktivitetit do të vijojë si më poshtë:
12:00 – Hapja e aktivitetit;
12:05 – 12:20: Fjala përshëndetëse e Kryetarit të Bashkisë, Z. Erion Veliaj;
12:20 – 12:45: Shfaqja e dy dokumentarëve;
12:45 – 13:30: Paneli: Përballje brezash: Dhjetori në tri kohë.
Ky takim do të zhvillohet tek Ten Qendra Multifunksionale në orarin 12:00 – 14:00.
